Ommaviy oferta

1. Atamalar

«Xizmat» — shirinlaxza.uz saytidagi onlayn taklifnomalar yaratish servisi. «Ijrochi» — Shirin Lahza xizmati egasi. «Buyurtmachi» — taklifnoma yaratib, toʻlovni amalga oshirgan shaxs.

2. Oferta predmeti

Ijrochi Buyurtmachiga onlayn taklifnoma sahifasini yaratish va uni tanlangan tarif muddatida internetda joylashtirish xizmatini koʻrsatadi.

3. Narx va toʻlov

Xizmat narxi saytning «Narxlar» sahifasida koʻrsatiladi va bitta taklifnoma uchun bir martalik toʻlov hisoblanadi.

Toʻlov Ijrochi koʻrsatgan bank kartasiga pul oʻtkazish yoʻli bilan amalga oshiriladi. Buyurtmachi toʻlov chekini saytga yuklaydi. Xizmat chek tasdiqlangan paytdan boshlab koʻrsatilgan hisoblanadi.

Toʻlovdan oldin Buyurtmachi taklifnomani bepul sinov muddatida tekshirib koʻrish imkoniyatiga ega.

4. Xizmat muddati

Toʻlangan taklifnoma tadbir sanasidan keyin 30 kun davomida ochiq boʻladi. Buyurtmachi taklifnomani shu muddat ichida istalgancha tahrirlashi mumkin.

5. Tomonlarning majburiyatlari

Buyurtmachi taklifnomaga qonunga zid, boshqalarning huquqlarini buzuvchi yoki mualliflik huquqi bilan himoyalangan materiallarni (ruxsatsiz musiqa va rasmlar) joylashtirmaslik majburiyatini oladi.

Ijrochi xizmatning uzluksiz ishlashini taʼminlash uchun oqilona choralarni koʻradi va qoidalarni buzgan taklifnomalarni bloklash huquqiga ega.

6. Pulni qaytarish

Agar xizmat Ijrochi aybi bilan koʻrsatilmagan boʻlsa, toʻlov toʻliq qaytariladi. Taklifnoma faollashtirilib, mehmonlarga yuborilganidan keyin toʻlov qaytarilmaydi.

7. Yakuniy qoidalar

Toʻlovni amalga oshirish ushbu oferta shartlariga toʻliq rozilik bildirishni anglatadi (akseptdir). Nizolar muzokaralar orqali, kelishilmasa Oʻzbekiston Respublikasi qonunchiligiga muvofiq hal qilinadi.